Бүгін Қазақстан астанасында ҚР Президентінің «Алтын сапа»  сыйлығының жеңімпаздарын марапаттау рәсімі өтті. Елдің түкпір-түкпірінен келген кәсіпкерлер лайықты марапаттарын алу үшін осында жиналды. Мемлекет басшысы Қасым-Жомарт Тоқаев лауреаттарға ел экономикасына қосып жатқан үлесі үшін ризашылығын білдіріп, сыйлықтың көптеген жыл бойы игі дәстүрге айналғанын атап өтті.

 «Баршаңызды «Алтын сапа», «Парыз», «Қазақстанның үздік тауары» байқауларының өз мәресіне жетуімен құттықтаймын! Біз жыл сайын осы салтанатты жиында ел дамуына елеулі үлес қосқан кәсіпкерлерге құрмет көрсетеміз. Бұл – талай жылдан бері жақсы дәстүрге айналған маңызды іс-шара. Қазір Қазақстанда бизнес саласы қарқынды дамып келеді. Бұған мемлекет тарапынан барлық жағдай жасалып жатыр. Шағын және орта бизнестің ішкі жалпы өнімдегі үлесі 36 пайыздан асты. Бұл – шын мәнінде, жоғары көрсеткіш. Осы салада жұмыс істейтін адамдардың саны 4,3 миллионға жетті. Яғни еңбекке жарамды азаматтардың 45 пайызы деген сөз», – деді Мемлекет басшысы Қасым-Жомарт Тоқаев.

«Үздік индустриялық жоба» арнайы сыйлығын Қостанай облысында «ДЕП» ЖШС алды (сүт және ашытылған сүт өнімдерін өндіру). Ал «Үздік инновациялық жоба сыйлығын Маңғыстау облысының «CleanFieldKazakhstan» ЖШС алды (бұрғылау, мұнай қоқыры, ластанған топырақ және басқа да мұнаймен ластанған жерлерден мұнайдан тазалау).

«Президент Қасым-Жомарт Кемелұлы және «Атамекен» ҰКП басшылығына кәсіпорнымызға жоғары баға бергеніне ризашылығымызды білдіреміз. 2021 жылы өндірістік кешенімізді келісімшарттық аумаққа орналастырдық. Қазақстанда алғаш рет аралас технология бойынша мұнай-газ қалдықтары сіңген топырақты өңдеу бойынша еуропалық жабдық пен әдістеме пайдаланылды. Өз жұмысымызды бүкіл республика аумағында таратуға және Қазақстанда тіркелген мұнай сервистік ұйым ретінде жқмысты шет елдерге экспорттауды көздеп отырмыз», – деді жеңімпаз, «CleanFieldKazakhstan» ЖШС директоры Бектас Әбдіманапов.

 Марапаттау рәсімінде «CleanFieldKazakhstan» ЖШС және басқа компаниялардың өнімдері фойеде инсталяция ретінде ұсынылды. Бұл өнімдерді «Атамекен» ҰКП төралқа төрағасы Райымбек Баталов пен «Атамекен» ҰКП Төралқасы жанындағы Іскер әйелдер кеңесінің төрайымы Ләззат Рамазанова  Мемлекет басшысына таныстырды.

 Инсталляцияда «Бір ауыл – бір өнім» жобасы таныстырылды. Бұл жобаны Ұлттық палата жергілікті өнімнің сапасын арттыру, жергілікті брендтер құру, маркетинг және нарықтағы өнімнің құндылығын арттыру мақсатында іске асырған.

 «Биыл біз жоба ауқымы мен градациясын кеңейттік. Сондықтан сыйлыққа шағын және орта бизнес қатысты. Олардың өнімдері өңі-өңірде «Бір ауыл – бір жоба» жобасы шеңберіне стендтерде таныстырылды. Биыл бұл идея сынақтан өтті, ал келесі жылы шағын және микро бизнеске арналған жеке «Алтын сапа» сыйлығы болады. Біз локализация мен қазақстандық қамтуға да назар аудардық. Екінші стендте жеңіл өнеркәсіп өнімдері ұсынылған. Бүгін Мемлекет басшысы стендті қарап, қатты аязда бүгін шараға отандық аяқ киім киіп келгенін айтты. Бұл да үлкен көрсеткіш», – деді «Атамекен»  Ұлттық кәсіпкерлер палатасының басшысы Райымбек Баталов.

ҚР Президентінің «Алтын сапа» сыйлығы жыл сайын өтеді. Байқауда «Өндірістік мақсаттағы үздік кәсіпорын», «Халыққа арналған тауар шығаратын үздік кәсіпорын», «Қызмет көрсететін үздік кәсіпорын», «Азық-түлік және/немесе ауылшаруашылық өнімдерін шығаратын үздік кәсіпорын» атты 4 номинациядан бөлек «Үздік индустриялық жоба» және «Үздік инновациялық жоба» арнайы сыйлықтары қарастырылған.

 Сыйлықтың 14 лауреаты дипломдар, байқау эмблемасымен және жеңімпаздарды келесі кезең – ТМД-ның Өнім және қызмет көрсету сапасы саласындағы байқауына қатысуын ынталандыру үшін 450 АЕК мөлшерінде ақшалай сыйақымен марапатталады. 

 Еске салсақ, байқаудың басты мақсаты – отандық өнімнің сапасын арттыру. Ұйымның өнім немесе қызмет сапасы саласында елеулі нәтижелерге қол жеткізуі, өнім қауіпсіздігін қамтамасыз ету, сондай-ақ ұйымның сапаны басқарудың жоғары тиімді әдістерін енгізуі басты критерий саналады. Биыл байқауға қатысуға 221 компания өтінім берген.