Шығыс Қазақстан облысы ұлттық деңгейде тарихи нәтижеге қол жеткізді – өңірдің екі бірдей кәсіпорны беделді «Алтын Сапа» сыйлығының жеңімпаздары атанды.

Бұл нәтиже өңірде өндірілетін өнімнің жоғары бәсекеге қабілеттілігін, тұрақты дамуын және сапасын дәлелдеді.

Шығыс Қазақстан облысынан «Алтын Сапа» байқауының жеңімпаздары: 

«Азық-түлік және/немесе ауыл шаруашылығы өнімдерін шығаратын үздік кәсіпорын» номинациясы – «Эмиль» ЖШС

«Өндірістік мақсаттағы үздік кәсіпорын» номинациясы – «Силумин-Восток» ЖШС

«Кәсіби маман» конкурсында «Үздік тәлімгер» номинациясы бойынша құрметті 2 -орынды «Өскемен ЖЭО» ЖШС-ның қазандық цехының қазандық жабдығы бойынша аға машинисі Тоқышев Ернұр Болатович иеленді.

Ол осындай жоғары марапатқа ие болған ең жас тәлімгер атанды және саланың кадрлық әлеуетін дамытуға қосқан үлесі, жауапкершілігі мен кәсібилігі үшін «Іске адалдығы үшін» медалімен қосымша марапатталды.

Сондай-ақ өңір өкілдері келесі номинациялар бойынша марапатталды:

«Адал азамат» – «Бұқтырма уылдырық–өсіріп–өсіру шаруашылығы» ЖШС

«ҰЛЫ ДАЛА ЕЛІ» – «ПТК» «IZOTERM» ЖШС

Шығыс Қазақстан облысы ел экономикасындағы өз позициясын нығайтып қана қоймай, өндіріс пен экспорттан бастап, экологиялық жауапкершілік пен адами капиталды дамытуға дейінгі негізгі бағыттарда тұрақты өсім көрсетіп келеді.