«Қазақстанның үздік тауары» республикалық көрме-конкурсының дипломант атағы өнімдерінің жоғары сапасымен, инновациялылығымен, бәсекеге қабілеттілігімен және қазіргі нарық талаптарына сәйкестігімен ерекшеленген компанияларға беріледі. Конкурстың мақсаты – отандық тауарларды ілгерілету, олардың сапасын арттыру, сондай-ақ қазақстандық өндірушілер мен кәсіпкерлерді қолдау болып табылады.

2025 жылы «Қазақстанның үздік тауары» көрме-конкурсы аясында өнім сапасы жоғары, инновациялық тәсілдерді қолданатын және ел экономикасының дамуына үлес қосатын компаниялар анықталды. Конкурс төрт кезеңнен тұрады. Оның нәтижесінде «Өндірістік мақсаттағы үздік тауарлар», «Халыққа арналған үздік тауарлар» және «Үздік азық-түлік тауарлары» санаттары бойынша ең үздік кәсіпорындар таңдалады.

Конкурсқа қатысу үшін 621 қазақстандық кәсіпорын өтінім берді. Олардың ішінен республикалық кезеңге 147 компания өтіп, соның ішінде 27-сі финалға шығып, дипломант атағына ие болды. Дипломанттар төрт жыл бойы конкурс-көрменің эмблемасын жарнамалық мақсатта пайдалануға құқылы.

Ұсынылған номинациялар: «Өндірістік мақсаттағы үздік тауарлар», «Халық тұтынатын үздік тауарлар», «Үздік азық-түлік тауарлары».

2025 жылғы «Қазақстанның үздік тауары» көрме-конкурсының дипломанттары:

Өндірістік мақсаттағы үздік тауарлар

Қостанай облысынан «АгромашХолдинг KZ» АҚ директоры – Шүкіжанова Динара Аманжелқызы.

Компания өңірдегі машина жасау саласының жетекшілерінің бірі болып табылады және ұлттық нарықта сұранысқа ие ауыл шаруашылығы техникасын шығарады.

Жамбыл облысынан «Жаңа технологиялар – Тараз» ЖШС құрылтайшысы/директоры – Раимов Адыл Зуфарович. 

Кәсіпорын заманауи өнеркәсіптік жабдық өндірісімен айналысады және өңір экономикасының дамуына үлес қосады.

Ақмола облысынан «Азияфильтр» ЖШС директоры – Нұрлан Индира.

Компания өнеркәсіптік сүзгі жабдықтарын шығарады және жоғары сапалы өніммен қамтамасыз етеді.

Халық тұтынатын үздік тауарлар

Алматы қаласынан «PAPIRONE (Папироне)» ЖШС құрылтайшысы – Варданян Тигран Каренович.

Компания тұрмыстық қағаз өнімдерін өндіреді және экологиялық әрі сапалы тауарларымен ерекшеленеді.

Қарағанды облысынан «WEC Trade» ЖШС директоры – Цой Вячеслав Эдуардович.

Кәсіпорын биоыдырайтын өсімдік текті шикізаттан экологиялық тұрмыстық химия өнімдерін шығарады.

Түркістан облысынан «Sem Brand» ЖК құрылтайшысы/директоры – Абилов Бабыр Шереханович. 

Компания фирмалық дизайндағы жоғары сапалы үй жиһазын өндіреді.

Үздік азық-түлік тауарлары

Ақмола облысынан «Бижан» ет өңдеу кешені» ЖШС директоры – Антаев Шакихан Мұратбекұлы. 

Кәсіпорын ет өнімдерін өндіреді және олардың жарамдылық мерзімін 30 күнге дейін ұзартатын технологияны әзірлеген.

Қызылорда облысынан «Асыл дән LTD» ЖШС директоры – Алдамжаров Нұрлан Амантайұлы. 

Кәсіпорын күрішті өсіруден бастап өңдеу және қаптауға дейінгі толық өндірістік циклге ие, өнімдері ТМД елдеріне экспортталады.

Павлодар облысынан «Айсберг ПВ» ЖШС құрылтайшысы/директоры – Желнов Михаил Анатольевич. 

Компания шоктік мұздату технологиясын қолдана отырып, тағамдық жартылай фабрикаттар өндіреді, бұл технология өнімнің табиғи құрылымын сақтауға мүмкіндік 

береді.

«Қазақстанның үздік тауарлары» көрме-конкурсының дипломанттары өндірістің жоғары стандарттары, инновациялық шешімдері және ұлттық экономикаға қосқан үлесі үшін лайықты құрметке ие болады.