20 мамырда Батыс Қазақстан облысы бойынша Кәсіпкерлер палатасы өңірдің тауар мен қызмет өндірушілеріне арналған семинар өткізді. Шара ҚР Президентінің «Алтын сапа» сыйлығы және «Қазақстанның үздік тауары» республикалық көрме-байқауына қатысушыларды қолдау мақсатында ұйымдастырылды. Семинар Палатаның конференц-залында өтті.

Семинарға онлайн режимде Ақтөбе облысының Кәсіпкерлер палатасы директорының орынбасары Күйшінов Руслан, бөлім басшысы Смағұлова Динара және екі өңірден 80-ге жуық кәсіпкерлер қатысты (30-Ақтөбе облысынан, 50-БҚО).

Кәсіпкерлерге құттықтау сөзін арнаған — «Алтын сапа – 2021» байқауының жеңімпазы, «Батысмұнайгазжабдықтары» ЖШС директоры Сүлейменов Берік өз тәжірибесімен бөлісіп, қатысушыларға сәттілік тіледі. Сонымен қатар, өткен жылдардағы байқаулардың фотоматериалдары ұсынылды.

Қатысушыларға әдістемелік қолдау көрсетілді

Семинар барысында БҚО Кәсіпкерлер палатасы директорының орынбасары Утешева Эльмира Ақтөбе және Батыс Қазақстан облыстарының кәсіпкерлеріне келесі бағыттар бойынша кеңес берді:

• байқауға қажетті құжаттарды, материалдарды әзірлеу;
• байқау критерийлерін түсіндіру;
• байқаулардың өткізілу тәртібі мен ережелерін нақтылау;
• сапа саласындағы халықаралық байқаулар туралы ақпарат беру;
• менеджмент жүйелерінің талаптары туралы толық ақпарат ұсыну.

Кәсіпкерлер тарапынан қойылған сұрақтарға толық әрі нақты жауаптар берілді.

Өтінімдер қабылдау жалғасуда

Қатысушыларға қазіргі уақытта ҚР Президентінің «Алтын сапа» сыйлығына және «Қазақстанның үздік тауары» республикалық көрме-байқауына қатысу үшін өтінімдерді қабылдау жалғасып жатқаны хабарланды.

📌 ҚР Президентінің 2006 жылғы 9 қазандағы №194 Жарлығына сәйкес, «Алтын сапа» сыйлығы жыл сайын сапалы өнім немесе қызмет ұсынған, қауіпсіздікті қамтамасыз еткен және менеджмент жүйелерін сәтті енгізген кәсіпорындарға байқау негізінде табысталады.

📌 Сол Жарлыққа сәйкес, елімізде жыл сайын «Қазақстанның үздік тауары» атты өңірлік және республикалық көрме-байқау өткізіледі.

Өңірлік көрме – 12 маусымда

2025 жылы өңірлік кезең 12 маусымда Орал қаласындағы Салтанат сарайында өтеді. Бұл көрмеде жеңімпаз атанған кәсіпорындар республикалық кезеңге жолдама алып, Астана қаласында өз өнімдерін таныстырады.

Қатысушылар белсенділік танытты

Семинарға 30-дан астам тауар өндіруші және арнайы құрылған өңірлік сарапшылар тобының мүшелері қатысты. Барлық қатысушыларға сертификаттар табысталды. Екі өңірден келген кәсіпкерлер семинардан үлкен әсер алып, ризашылықтарын білдірді.

Байқауларға қатысу бойынша байланыс:

📞 Телефон: 243078, 8 777 587 8046

📍 Мекенжай: Батыс Қазақстан облысы бойынша Кәсіпкерлер палатасы

Батыс Қазақстан облысы бойынша Кәсіпкерлер палатасы барлық кәсіпкерлерге алғысын білдіріп, байқауларда сәттілік тілейді!