Қазақстан Республикасы Президентінің «Алтын Сапа» сыйлығын алуға арналған конкурстың сарапшылары өнім мен қызмет сапасы саласындағы жетістіктері үшін 2025 жылғы ТМД сыйлығын алуға арналған конкурсқа қатысуға дайындық шеңберінде аттестаттаудан сәтті өтті және біліктілігін арттырды. 

Аттестаттау Стандарттау, метрология және сертификаттау жөніндегі Мемлекетаралық кеңестің 66-шы отырысының шешіміне сәйкес өткізілді. Оқытуды Беларусь Республикасының стандарттау жөніндегі мемлекеттік комитеті (БелГИСС) стандарттар Бюросының қолдауымен ұйымдастырды. 

Сарапшыларды даярлау екі кезеңнен тұрды: 

• I кезең-2025 жылғы 23-24 сәуірде өткен бейнеконференция;
• II кезең — 2025 жылғы 13-14 мамырда Минскіде күндізгі оқу. 

Бағдарламаға ТМД-ның 7 елінен 23 сарапшы қатысты: Армения, Беларусь, Қазақстан, Қырғызстан, Ресей, Тәжікстан және Өзбекстан. 

Оқытуда Қазақстан Республикасының атынан: 

• Яшкина Гүлнара Бердіғұлқызы-Қазақстан Республикасы Сауда және интеграция министрлігі Техникалық реттеу және метрология комитетінің стратегиялық жоспарлау және халықаралық ынтымақтастық басқармасының басшысы
• Лесбекова Гүлмира Абдулқызы - Қазақстан Республикасы Сауда және интеграция министрлігі Техникалық реттеу және метрология комитетінің «Қазақстандық стандарттау және метрология институты» РМК Стандарттау орталығы басшысының орынбасары, Сапа саласындағы ТМД сыйлығының сарапшысы;
• Бейсеев Сәкен Әнуарбекұлы - Қазақстан Республикасы Сауда және интеграция министрлігі Техникалық реттеу және метрология комитетінің «Қазақстандық стандарттау және метрология институты» РМК Шымкент қаласы бойынша өңірлік өкілі, сапа саласындағы ТМД сыйлығының сарапшысы;
• Алексеева Любовь Яковлевна - Қазақстан Республикасы Сауда және интеграция министрлігі Техникалық реттеу және метрология комитетінің «Қазақстандық стандарттау және метрология институты» РМК Алматы қаласы және Алматы облысы бойынша бас маманы, сапа саласындағы ТМД сыйлығының сарапшысы;
• Исаева Мерей Сейлбекқызы – «Атамекен» ҚР Ұлттық кәсіпкерлер палатасы, «Қазақстанның үздік тауары» Республикалық конкурстарын және «Алтын Сапа» Президенттік сыйлығын ұйымдастыру жөніндегі Басқарушы директоры;
• Юн Татьяна Леонидовна - Қарағанды облысы Кәсіпкерлер Палатасының 1-санатты сарапшысы, «Алтын Сапа» және «Қазақстанның үздік тауары» конкурстары бойынша сараптама тобының жауапты хатшысы. 

Оқытуды А.А. Сафонов, «ВОК сараптамалық бағдарламалар орталығы» АҚ директоры, Бүкілресейлік сапа ұйымының Басқарма мүшесі және EFQM сертификатталған жаттықтырушысы жүргізді. Курс аясында ол бағалауды ұйымдастыру және өткізу мәселелері бойынша теориялық және практикалық материалдарды ұсынды, соның ішінде: 

• EFQM-2013 жетілдіру моделінің критерийлерін қолдану,
• сараптамалық қорытындылар жасау ережелері,
• ұйымдарды бағалаудың тұжырымдамалық негіздері. 

Оқыту бағдарламасы қатысушыларға тәжірибе алмасуға және ұсынылған материалды тереңірек меңгеруге мүмкіндік беретін топтық жаттығулар мен практикалық тапсырмаларды қамтыды. 

Оқыту қорытындысы бойынша барлық сарапшылар аттестаттаудан сәтті өтіп, сапа саласындағы ТМД сыйлығының сарапшыларының сертификаттарын алды. 

Алда-негізгі кезең: 2025 жылғы ТМД сыйлығына қатысушы кәсіпорындарды бағалау. Алынған білім мен тәжірибе сарапшыларға ТМД кеңістігінде сапа мәдениетін дамытуға елеулі үлес қосуға мүмкіндік береді.