Орал қаласында «Алтын сапа» және «Қазақстанның үздік тауары» конкурстарына қатысуға ниет білдірген кәсіпкерлер үшін оқу семинары ұйымдастырылды.

Жыл сайынғы конкурс кәсіпкерлерге өздерінің бәсекеге қабілеттілігі мен өнім сапасын арттырып қана қоймай, сату салаларын кеңейтуге мүмкіндік береді. Бұл кәсіпкерлерге барлық бағдарламаларға белсенді қатысуға, жаңа жобаларды батыл іске асыруға және жаңалықтардан хабардар болып, заманауи технологияларды меңгеруге көмектеседі. «Қазақстанның үздік тауары» және «Алтын сапа» конкурстары осының бәріне септігін тигізеді, деп атап өтті кәсіпкерлер оқу семинарында.

Іс-шараға қатысушыларға алдымен конкурстардың негізгі ережелері түсіндіріліп, ұлттық және халықаралық сапа премияларымен таныстырылды, Президенттік премияның модельдері түсіндірілді. Шақырылған лекторлар – ТМД сапа премиясының сарапшысы Мадина Мукатова мен ҚР СТ ГОС жүйесі бойынша сапа менеджменті жүйесі аудиторі Виктор Ким екінші жартыжылдықта қатысушылармен практикалық сабақтар өткізді. Оқу семинарында жалпы 30-дан астам адам қатысты. Олардың арасында жаңа бастаған кәсіпкерлер де, тәжірибелі кәсіпкерлер де болды. Іс-шара кәсіпкерлер үшін пайдалы ақпарат пен қажетті дағдыларды берді, деп санайды олар. Дәстүрлі конкурста Батыс Қазақстан облысының 40-қа жуық кәсіпорны қатысады деп күтілуде.